Frjálsíþróttakonurnar Helga Margrét Þorsteinsdóttir sjöþrautarkona og Ásdís Hjálmsdóttir spjótkastari keppa nú á Evrópumeistaramótinu í frjálsíþróttum í Barcelona.
Þær stöllur fara þar mikinn eins og íþróttafréttamönnum er tamt að segja. Ásdís náði að tryggja sig inn í úrslit. Þar endaði Ásdís rétt í þessu í 10. sæti í bráðskemmtilegri spjótkastkeppni á blautri brautinni í Barcelona. Ásdís kastaði 54,32m í úrslitunum. Linda Stahl, Þýskalandi sigraði með 66,81m kasti.
Helga Margrét hefur síðan keppni í sjöþrautinni á föstudag og laugardag.