www.armenningar.is

Pétur Eyþórsson og Snær Seljan Þóroddsson íslandsmeistarar fyrir Ármann í glímu

Tue, 09 Mar 2010 13:47:00 GMT

Pétur Eyþórsson varð um helgina tvöfaldur Íslandsmeistari í glímu en hann sigraði bæði í -90 kg flokki og opnum flokki karla, í þriðju og síðustu umferð Íslandsmeistaramótsins. Snær Seljan Þóroddsson varð Íslandsmeistari í -80 kg flokki en hafnaði í 3ja sæti í opnum flokki karla. Árangur þeirra Péturs og Snæs skilaði jafnframt Ármanni Íslandsmeistaratitli fyrir meistaraflokk karla í stigakeppni félaga með

66 stigum. En í heildarstigakeppni félaganna hafnaði Ármann í 2. sæti með 71. stig.

Jón Andri Óskarsson Íslandsmeistari í svigi og alpatvíkeppni

Mon, 08 Mar 2010 22:54:00 GMT

Jón Andri Óskarsson varð Íslandsmeistari í 12 ára flokki drengja í svigi og alpatvíkeppni á Dalvík.

Beltapróf

Mon, 08 Mar 2010 12:37:00 GMT

Föstudaginn næstkomandi, 12. mars, verður beltapróf hjá taekwondo-deildinni. Hafið samband við þjálfara til að sjá hverjir eru skráðir í próf.

Helga Margrét setur nýtt Íslandsmet í fimmtarþraut

Mon, 08 Mar 2010 12:18:00 GMT

Helga Margrét fór ásamt Stefáni Jóhannssyni þjálfara sínum til Svíþjóðar um helgina og keppti þar í fimmtarþraut á sænska meistaramótinu. Helga varð önnur í þrautinni á nýju Íslandsmeti 4205 stigum. Fimmtarþraut samanstendur af 60m grindahlaupi, hástökki, kúluvarpi, langstökki og 800 metra hlaupi.

Í metþraut sinni var árangur Helgu betri í öllum greinum en þegar hún setti fyrr Íslandsmet sitt.

Árangur Helgu í einstökum greinum er: 60m grind 8,86s, hástökk 1,71m, kúluvarp, 13,68m, langstökk 5,63m, 800m 2:15,31 mín.

Þó met Helgu sé einkar glæsilegt þá á hún samt betri árangur í öllum greinum utan þrautar, því eru allir möguleikar til staðar fyrir frekari bætingu.

Frjálsíþróttadeildin tekur á móti Helgu og Stefáni í frjálsíþróttahöllinni í dag klukkan 18:00, endilega fjölmennum til að fagna!

Ármenningarnir Atli, Tjörvi, Katrín Myrra, Arna Petra og Eygló Sóley Íslandsmeistarar í þrepum

Sun, 07 Mar 2010 13:47:00 GMT

Íslandsmeistaramótið 2010 í áhaldafimleikum í þrepum var haldið í Björkunum í Hafnarfirði laugardaginn 6. mars. Ármenningar stóðu sig frábærlega og eignuðust 5 Íslandsmeistara af 10 (11). Ármann átti keppendur í 9 keppnisþrepum af 10 en keppt er í 1.-5. þrepi karla- og kvennamegin. Atli Jasonarson sigraði 1. þrepið og Tjörvi Þórhallsson sigraði 4. þrepið. Katrín Myrra Þrastardóttir sigraði 2. þrepið, Arna Petra Sverrisdóttir 3. þrepið ásamt stúlku frá Björkunum og Eygló Sóley Hróðmarsdóttir sigraði 5. þrepið.

Úrslit og nánari fréttir af árangri Ármanns hér að neðan.

5 Bikarmeistaratitlar í hús

Fri, 05 Mar 2010 15:28:00 GMT

Bikarmótið í áhaldafimleikum 2010 var haldið í fimleikahúsi Gerplu helgina 26.-28. febrúar. Keppt var í stúlkna- og drengjaflokki í 1.-5. þrepi og í frjálsum æfingum. Mótið fór vel fram og stóðu Ármenningar sig sérstaklega vel en þeir unnu 5 bikarmeistaratitla af 12.

Úrslit komin inn hér fyrir neðan

Skóli - Íþróttir - Tómstundir

Wed, 03 Mar 2010 14:56:00 GMT

Opinn íbúafundur um menntamál og íþrótta- og tómstundamál í Laugardal verður haldinn fimmtudaginn 4. mars í Laugarbóli, félagsheimili Ármanns og Þróttar, kl. 17:00.

Aðalfundur Glímufélagsins Ármanns 24 mars 2010

Wed, 03 Mar 2010 09:35:00 GMT

Aðalfundur Glímufélagsins Ármanns verður haldinn í hátíðarsal Laugabóls miðvikudaginn 24 mars n.k. Dagskrá fundarins verður eftir 12 og 13 grein laga Ármanns. (hér að neðan).

Hvetjum við sem flesta að koma og taka þátt í starfi elsta og eins stærsta íþróttafélags í Reykjavík. Léttar veitingar verða í boði fyrir fundargesti.

Dagskrá Andrésarleikanna 2010

Wed, 03 Mar 2010 09:34:00 GMT

Skíðafélag Akureyrar hefur birt dagskrá Andrésarleikanna 2010.

Aðalfundur sunddeildar 4. mars

Wed, 03 Mar 2010 09:00:00 GMT

Dagskrá fundarinns er eftirfarandi:

1. Skýrsla Formanns

2. Skýrsla Yfirþjálfara

3. Gjaldkeri gerir grein fyrir rekstri deildar

4. Kosningar til stjórnar

5. Önnur mál

6 Æfingarferð erlendis

Sundkrakkarnir eru velkomnir á fundinn. Foreldrar eru hvattir til að koma með eitthvað hollt og gott til að setja á hlaðborð því að einhver þeirra koma á fundinn beint af æfingu.

Allir foreldrar og forráðamenn eru hvattir til að mæta og ræða hag barna sinna og leggja sitt af mörkum til eflingar sunddeildarinnar.