www.Armenningar.is

Fundargerð 011111

Mon, 21 Nov 2011 11:17:00 GMT

Fundargerð

Dags | 01.11.2011, kl. 17:30 – fundi slitið kl. 18:55

Höfundur | Guðjón Heiðar Pálsson
Efni | Stjórnarfundur
Mættir | Snorri Þorvaldsson formaður, Kristín Ólafsdóttir varaformaður, Sigurða Sigurðardóttir gjaldkeri, Guðjón Heiðar Pálsson ritari, Jakob Kristinsson meðstjórnandi. Jón Þór Ólason framkvæmdastjóri. Sæunn Viggósdóttir íþróttafulltrúi.
Mættir formenn| Ekki boðaðir að þessu sinni

Fjarverandi | Einar, Sigrún, Erla, Jón Birgir, Tryggvi
Næsti fundur| 6. desember, kl. 17:30

Dagskrá

Liður 1 Afmæli 15. desember, haldið 11. desember. 1

Liður 2 Afrekssjóður. 1

Liður 3 Skipulagsmál 1

Liður 4 Bréf sem hafa borist frá: Kjartan Magnússon, Brynjar Ólafsson. 1

Liður 5 Önnur mál 2

Verkefnum útdeilt. 2

Liður 1 Afmæli 15. desember, haldið 11. desember

Afmælisdagur: 15. desember n.k. Haldið verður upp á afmælið sunnudaginn 11. desember. Afmælisdagurinn verður með svipuðu sniði og í fyrra. Afmælisnefnd er skipuð: Kristín formaður og Sigga varaformaður. Nefndarmenn hafa ákvörðunarvald. Treysta þarf loforðum um þátttöku við undirbúning og framkvæmd.

Liður 2 Afrekssjóður

Samkvæmt lögum þarf að endurnýja í stjórn sjóðsins. Steinunn Sæmundsdóttir fer úr stjórn en hún starfar ekki lengur í aðalstjórn. Einar Bjarnason er skipaður nýr í stjórn með þeim sjálfsagða fyrirvara um samþ. Aðrir í stjórn eru Kristín og Sæunn.

Kristín óskar eftir auknu fjármagni til sjóðsins vegna styrkja. Aðalstjórn samþ. 1.200.000 kr.

Liður 3 Skipulagsmál

Fellur niður.

Liður 4 Bréf sem hafa borist aðalstjórn

Tölvupóstsamskipti: Kjartan Magnússon borgarfulltrúi þakkar formlega góðar móttökur í tölvupósti. Aðalstjórn Ármanns tók á móti honum, og fulltrúum Sjálfstæðisflokksins í Íþrótta- og tómstundaráði Reykjavíkurborgar, 5. október s.l. Málefnið var Ármann og íþróttir í Reykjavík. Formaður fangar, í svarpósti til Kjartans, að málefni Ármanns séu nú á borði ÍTR og vonar að málunum verði fylgt eftir. Ekki kemur fram hvað málefni er um að ræða.
Bréfasamskipti: Brynjar Ólafsson, faðir fimleikabarna sendir formlegt bréf til aðalstjórnar. Hann óskar eftir samhæfni innan Félagsins. Ber fram hugmynd um einskonar ‘kross-fitt’ þ.e. að iðkendur geti ‘ráfað’ á milli deilda, með afslætti. Fram kemur að þessi leið sé reynd hjá Ármanni og reynslan ekki góð. Hugmyndum Brynjars er hafnað af þessari forsendu. Íþróttafulltrúi svarar með formlegum hætti bréfi Brynjars.

Liður 5 Önnur mál

Kveðjur: Sérstök jólakort til sérstakra vina Félagsins.
Sundlaugar: Tillaga Jakobs samþ.: mótmæla formlega hækkun á gjaldi í sundlaugar Borgarinnar.
Hugbúnaður: Nori, nýja kerfið, er alls ekki að gera sig. Kalla forráðamenn Nora á fund og finna lausn á vandamálum. Einnig ræða fagleg samskipti milli Félagsins og Nora fólksins. Bæði virðingu og áhuga vantar til lausna.

Verkefnum útdeilt

Eftirfarandi verkefnum var útdeilt á fundinum:

Verkefni	Ábyrgur
Framkvæmdastjórn afmælisdags: nefnd	Kristín og Sigga
Jólakort: nefnd	Snorri og Jón Þór
Samskipti: svara bréfi Brynjars	Sæunn
Sundlaugar: skrifa/senda mótmælabréf vegna verðhækkana	Jón Þór
Hugbúnaður: Nori. Fundur með forráðamönnum vegna óánægju	Jón Þór og Jakob

Fundargerð14092011

Fri, 30 Sep 2011 16:05:00 GMT

Mættir: Snorri Þorvaldsson, Kristín Ólafsdóttir, Sigurða Sigurðardóttir, Einar Bjarnason, Vilborg Ævarsdóttir, Tryggvi Gunnarsson, Gísli Kristjánsson, Lárus Pálsson, Haraldur Björn Sigurðsson, María Guðsteinsdóttir, Jón Birgir Valsson og Jón Þór Ólason, framkvæmdastjóri félagsins.

Dagskrá:

Fréttir frá deildum
Önnur mál

Lyftingadeild: Ný stjórn væntanleg og mikill hugur í fólki. Fjármál í lagi, en æfingagjöld þurfa að hækka til að standa undir betra skipulagi sem er nauðsynlegt til að svara mikilli eftirspurn. Vilja ráða þjálfara og falast eftir styrk frá Aðalstjórn til að koma því á koppinn. Deildin þarf meira pláss, búið að setja alltof mikið af fólki inn í salinn. Samstarfið við kraftlyftingadeildina gengur mjög vel, en þróttarar æfa þarna á ýmsum tímum og oft slæðist inn alls konar óviðkomandi fólk þrátt fyrir að salurinn eigi að vera læstur. Húsverðir loka húsinu líka í tíma og ótíma. Erfitt er að skrá viðveru, en það er verið að vinna í því, sem er forsenda þess að fá stærra húsnæði. ÍTR hefur alveg lokað á nýjan pening á þessu ári en Jón Þór er samt að þreifa á þeim. Pallarnir hafa ekki reynst eins vel og vonast var til. Óska eftir nýju gólfefni úr gúmmíi. Salurinn myndi nýtast betur og auðveldara væri að þrífa hann. Heilbrigðiseftirlitið hefur gert athugasemdir, sem þarf að taka á, gott tækifæri sem ætti að nýta til að taka salinn í gegn. Framkvæmdastjóri ætlar að skoða hvað hægt sé að gera varðandi gólfið og að losna við ónýtt dót sem safnast hefur í salinn. Málið verður rætt betur á næsta fundi.

Júdó: gengur vel, nóg af iðkendum, húsnæðismál erfið, hávaði frá Taekwondo getur verið erfiður, sérstaklega þegar litlir krakkar æfa. Of mikið að vera með 3 deildir saman eins og fjöldinn er í dag. Margir titlar og afreksfólk, en eru með sína eigin heimasíðu og litlar fréttir berast öðrum félagsmönnum.  Tryggvi ætlar að athuga með að tengja ippon.is við armenningar.is en Jón Þór ætlar að tala við Daníel og fá Rss feed tengingu á okkar síðu. Fjárhagur góður.

Fimleikadeild: Hefðbundið starf, allt fullt og langir biðlistar. Nýja skráningarkerfið lofar góðu, en of erfitt að losna við hnökra. Fjárhagurinn viðunandi. Vantar þjálfara, sérstaklega í hópfimleikana. Bjarki Ásgeirsson vann sér nýverið rétt til að fara á heimsmeistarmótið í fimleikum.

Glíman: sama varðandi húsnæðismál og hjá júdó. Loksins að ná kynslóðatengingu. Fjárhagurinn á núlli, því var gripið til hóflegra hækkana. Afrekin mörg en mættu vera duglegri að setja fréttir inná heimasíðuna.

Skíðadeildin, starfið hafið, vantar skíðahús og snjóblásara.

Kraftlyftingar: iðkendafjöldinn við það sama ca 90, engin æfingagjöld, flestir æfa í worldclass, enginn þjálfari. Tímataflan í salnum hentar ekki, bara tveir sem æfa þar að staðaldri.

Taekwondo sendi skriflega skýrslu: Allt gengur vel, góð skráning og fjöldi iðkenda eins og við áttum von á. Stemming og andi eins og hann gerist bestur! Æfingabúðir næstu helgi og fljótlega mót. Þjálfarateymi er frábært. Fjárhagsstaða er góð, okkur gengur samt hægt að innheimta æfingaagjöld, erum ca hálfnuð þar. Samstarf við önnur félög gengur vel og sömuleiðis við nýja stjórn sambandsins. Þrifin á sal eru ennþá í ólagi. Á heildina litið erum við bara hrikalega flott.

Frjálsar sendu einnig skriflega skýrslu, útdráttur: Endurheimtur fyrri iðkenda hafa verið með ágætum í unglingaflokki. Sérlega vel lítur út með yngsta aldursflokkinn 1. og 2. bekk grunnskóla. Enda er tilboðið nær ómótstæðilegt. þ.e. ókeypis frístundastrætó sem keyrir börnin frá skólaseli og beina leið inn á æfingu í hinni mögnuðu frjálsíþróttahöll. Nú í haust varð verulega jákvæð breyting með tíma í frjálsíþróttahöll þar sem félögin í Reykjavík hafa nú aðgang að höllinni með æfingar og kynningar tvo morgna í viku, milli klukkan 8 og 10.

Samantekið þá líta málin vel út, lítur út fyrir að enn einn veturinn fjölgi iðkendum, þó ekki sé lengur um margföldun að ræða heldur nokkrar prósentur.

Sunddeild sendi einnig skriflega skýrslu, útdráttur: Það er búið að taka af okkur enn fleiri brautir í Laugardalnum, en var í fyrra. Að sögn Þurýar eru þjáfarar hinna félaganna feimnir yfir þessu því það er pínlegt ósamræmi milli fjölda þeirra sem eru að æfa hjá liðunum og hve margar brautir þau fá úthlutað. Erum ráðþrota í þessu máli. Þarf að fá einhverja kanónu á svæðið til að sjá í raun hvað er að gerast ofan í lauginni og hver nýtingin er ! Fjárhagur ekki nógu góður. Í heildina ganga skráningar vel.

Sundskóli (2-6 ára) og ungbarnasund eru að fara í gang og hefur skráning gengið vel þar.

Karfan, munnleg skýrsla til framkvæmdastjóra: ca 120 krakkar í yngri flokkum, mjög góð stemning, en verið að ala upp fyirr önnur félög því að þau fara annað 14-15 ára vegna aðstöðuleysis. Fjárhagur fínn.

Önnur mál: Ármannsblaðið kom út í lok ágúst og var borið út í hverfi 104, 105 og Háleitishverfi og Bústaðahverfi í 15 þús. eintökum.

Frábær auglýsing fyrir félagið og gefið út með hagnaði. Jón og Sæunn eiga miklar þakkir skyldar, ásamt stjórnarfólki deilda sem sendu efni og myndir í blaðið.

Næsti fundur 4. október

Fundi lauk kl. 18:50. Fundarritari var Kristín Ólafsdóttir.

Fundargerð 160811

Wed, 14 Sep 2011 15:57:00 GMT

Fundargerð

Dags | 16082011 kl. 17:41
Höfundur | Guðjón Pálsson
Efni | Stjórnarfundur (3)
Mættir | Snorri Þorvaldsson formaður, Kristín Ólafsdóttir varaformaður, Sigurða Sigurðardóttir gjaldkeri, Guðjón Heiðar Pálsson ritari, Jakob Kristinsson meðstjórnandi, Jón Birgir Valsson meðstjórnandi, Sigrún Sveinsdóttir varamaður, Tryggvi Þór Gunnarsson varamaður, Jón Þór Ólason framkvæmdastjóri og Sæunn Viggósdóttir íþróttafulltrúi.

Mættir formenn| ?
Næsti fundur| ?

Dagskrá

Liður 1 Nýtt skráningarkerfi Nori 1

Liður 2 Jafnréttisstefna Ármanns. 1

Liður 3 Reykjavíkurskákmót íþróttafélaga. 1

Liður 4 Ármannsblaðið 2011. 1

Liður 5 Starfið framundan. 1

Liður 6 Önnur mál 1

Verkefnum útdeilt

Liður 1

Sæunn, verkefnastjóri nýja Nora skráningar- og greiðslukerfisins, reynslukeyrði hluta kerfisins í sumar og metur augljósa kosti þess góða en kerfið er tengt DK bókhaldskerfinu. Verkefnastjóri kynnti ýmsa kosti fyrir stjórn félagsins á vefnum. Notendaleiðbeiningar eru í vinnslu. Sæunn fundar með hugbúnaðar-framleiðandanum í vikunni en áætlun er um að kerfið verði tilbúið til notkunar 22.ágúst n.k. Upplýsingar vantar frá e-m deildum. Af einhverjum óljósum ástæðum var gagnagrunnur Júdódeildarinnar ekki reynslukeyrður eins og upphaflega var áætlað. Formaður deildarinnar lýsti vonbrigðum sínum.23.4.2005 Ármann Dan Árnason

Liður 2

Mannréttindaskrifstofa Reykjavíkur (MR) óskaði eftir jafnréttisstefnu Ármanns. Beiðninni var óþarflega seint svarað. MR birti þess vegna rangar niðurstöður í sinni úttekt, en stefnan er til staðar en óbirt. Íþróttaskrá Ármanns var sett á vefinn og þar með nefnd stefna. Í dag eru 851 karl (46%) og 994 konur (54%) í Ármanni. Rætt var um eineltisstefnu og framkvæmdaáætlun varðandi kynferðislegt áreiti. Rétt er að hver deild hafi áfallaáætlun. Verkefnum útdeilt.

Liður 3

Formaður telur að félagið eigi að taka þátt í Reykjavíkurskákmóti íþróttafélaga. Formaður leitar uppi fjóra sigurvegara til að taka þátt fyrir hönd Ármanns. Keppnin fer fram 27. ágúst n.k. Verkefni útdeilt.

Liður 4

Ármannsblaðið. Ennþá vantar greinar frá deildum. Blaðið kemur út 25. ágúst n.k. Reyna að hefja undirbúning að næsta blaði fyrr til að gefa deildum rúman tíma til efnisöflunar.

Liður 5

Tvö Puma kaupkvöld framundan. Auglýst síðar. Framtíð Lottó greiðslna ræddar, en hugmyndir eru um að félagið ráðstafi greiðslum á annan hátt en verið hefur. Formaður boðar frekar umræður á næsta fundi.

Liður 6

Forvarnir. Tóbaksnotkun rædd innan svæðisins, utan sem innanhúss en neysla er bönnuð innan girðingar. Þrif harðlega gagnrýnd í glímusal almennt séð. Umgengni Sumarskólans er harðlega gagnrýnd en hún kom Júdódeildinni illa, þar sem ekki var hægt að hefja júdóæfingu á réttum tíma en ungir iðkendur þurftu að þrífa og laga til í salnum eftir Sumarskólann áður en hægt var að hefja æfingar. Mikilvægt er að ræða nýtingu salarins, en formaður Júdódeildar segir aðstöðuna standa deildinni fyrir þrifum í víðum skilningi þess orðs. Framkvæmdastjóri segir að of margar deildir væru að nýta salinn. Verkefnum útdeilt.

Verkefnum útdeilt

Eftirfarandi verkefnum var útdeilt á fundinum:

Verkefni	Ábyrgur
Nori, taka í gagnið fyrir allar deildir	Sæunn
Mannréttindastefna, jafnréttisstefna félagsins	Framkvæmdastjóri
Eineltisáætlun og ný áætlun varðandi kynferðislegt áreiti	Framkvæmdastjóri
Reykjavíkurskákmót 27. ágúst n.k. Leit að þátttakendum	Formaður
Forvarnir. Tóbaksnotkun, framfylgja banni	Framkvæmdastjóri
Fundur formanna vegna nýtingu á glímusal	Framkvæmdastjóri
Þrif í glímusal endurskoðuð	Framkvæmdastjóri

Fundargerð 220311

Tue, 14 Jun 2011 13:39:00 GMT

Stjórnarfundur Ármanns 22. mars 2011 kl: 17:30 í Ármannsfelli.

Mættir: Snorri Þorvaldsson, Kristín Ólafsdóttir, Jakob Kristinsson, Einar Bjarnason, og Jón Þór Ólason, framkvæmdastjóri félagsins.

Dagskrá:

1. Aðalfundurinn

2. Ársskýrsla Ármanns 2010

3. Önnur mál

Þurfum að finna fundarstjóra, Jón Þór athugar nokkrar tilnefningar og athugar hvort Steinunn geti verið ritari fundarins. Uppstillinganefnd hefur skilað af sér, vantar einn varamann. Bókhaldið hefur ekki gengið nógu vel, vantar enn gögn. Flestar deildir hafa haldið sína aðalfundi. Fundurinn verður haldinn í ÍSÍ 29. mars. Ein lagabreyting mun liggja fyrir fundinum. Fáum kynningu á nýju innheimtukerfi (Jakob) og Jón Þór mun flytja fréttir af rekstri hússins.
Einhverjar deildir búnar að senda inn efni í skýrslu ársins 2010, hún fer í prentun á föstudag.

Engar fréttir af umsókn okkar til UMFÍ þrátt fyrir ítrekaðar eftirgrennslanir.
Þurfum að tilnefna tvo aðila á ÍSÍ þingið sem haldið verður helgina 9-10 apríl, í síðasta lagi á aðalfundinum.

Fundi lauk kl. 18:30. Fundarritari var Kristín Ólafsdóttir.

Fundargerð 030511

Tue, 14 Jun 2011 13:38:00 GMT

Stjórnarfundur Ármanns 3. maí 2011 kl: 17:30 í Ármannsfelli.

Mættir: Snorri Þorvaldsson, Kristín Ólafsdóttir, Sigurða Sigurðardóttir, Jakob Kristinsson, Jón Birgir Valsson, Erla Traustadóttir, Sæunn Viggósdóttir, og Jón Þór Ólason, framkvæmdastjóri félagsins.

Dagskrá:

1.Þing ÍBR

Gestur: Gígja Gunnarsdóttir, stjórnarmaður ÍBR

2. Matarræði og fæðubótarefni íþróttafólks,

Gestur: Gígja Gunnarsdóttir frá Lýðheilsustöð.

3.Önnur mál

Góður fundur en átakalítill. Gígja hvetur til að við kynnum okkur möguleika á að sækja styrki í framkvæmdasjóð ÍBR.
Gígja kynnti bækling sem tekinn hefur verið saman á Lýðheilsustöð. Eins fjórblöðung um matvæli í íþróttahúsum. Áhugavert málefni til að ræða í hópi foreldra og þjálfara, og reyna þá að fá fyrirlesara sem kynnt hafa sér fæðubótarefni og næringu íþróttafólks.
A. 1. Leikur Ármenninga í knattspyrnu verður á morgun

B. Nýtt innheimtukerfi er tilbúið. Stefnum að því að gera 6 mánaða uppgjör í júlí.

Fundi lauk kl. 18:30. Fundarritari var Kristín Ólafsdóttir.

Fundargerð 12042011

Fri, 29 Apr 2011 15:16:00 GMT

Fundargerð 12042011

Fundargerð 020311

Fri, 29 Apr 2011 15:15:00 GMT

Formannafundur Ármanns 02.03 2011 kl: 17.30 í Ármannsfelli.

Dagskrá:

1.Yfirlit frá hv.deild ca.5-7.mín.

2.Bókhald

3.Aðalfundur

4.Önnur mál

Mættir: María Guðsteinsdóttir (kraftlyftingadeild), Magnús Steinarsson (sunddeild), Freyr Ólafsson (frjálsíþróttadeild), Karl Guðlaugsson (körfuknattleiksdeild), Sæunn Viggósdóttir (íþróttafulltrúi), Kristín Ólafsdóttir (aðalstjórn), Snorri Þorvaldsson (formaður Ármanns), Örn Kjartansson (skíðadeild), Guðjón Pálsson (judodeild), Jakob Kristinsson (aðalstjórn), Sigurða Sigurðardóttir (aðalstjórn), Jón Þór Ólason (framkvæmdastjóri), Vilborg Ævarsdóttir (fimleikadeild) og Írunn Ketilsdóttir (taekwondodeild).

Þorgeir Ragnarsson, Steinunn Sæmundsdóttir og Jón Birgir Valsson boðuðu forföll.

Fimleikadeild – einhverjar mannabreytingar orðið, en almenn ánægja hjá starfsfólki og iðkendum. U.þ.b. 1000 iðkendur, verið að leita af nýjum þjálfara. 10 lið á bikarmótið, 4 gull og 6 silfur. Aðalfundur 3. Mars.

Frjálsíþróttadeild – gengur vel, c.a. 130-140 iðkendur með skokkurum. Mannabreytingar hjá þjálfurum, fjölgað þjálfurum. Pláss fyrir fleiri iðkendur, en þó ekki á háannatíma. Gengur vel samstarfið við erlendu þjálfarana sem staðsettir eru í Svíþjóð. Aðalfundur 14. Mars.

Sunddeild – c.a. 84 iðkendur, þurftu að hækka gjöld um áramót vegna fjárhagsstöðu. Sundlega séð komum við vel út og þjálfarabreytingar hafa skapað örlítinn vanda. Þuríður Einarsdóttir er gríðarlega öflug sem þjálfari og að fá folk til þess að vinna með sér. Garpadeildin liggur niðri því miður, það stendur til bóta. Flott sundþing um síðustu helgi og margir Ármenningar heiðraðir. Aðalfundur 7. Mars.

Kraftlyftingadeild – deildin búin að halda aðalfund, iðkendur 71 talsins og verið að týnast inn hægt og rólega, markmiðið að ná 100 iðkendum sem fyrst. Konur mjög sterkar í deildinni, efnilegur iðkandi í deildinni. María tvöfaldur norðurlandameistari á síðasta ári og keppendur deildarinnar margfaldir íslandsmeistarar. Stefnt að sigri í liðakeppni á íslandsmóti í ár.

Taekwondodeild – mikil fjölgun í deildinni 150 manns. Réðu erlendan þjálfara í fyrra á fullum launum, stórt skref fyrir deildina. Deildin sterk fjárhagslega, innheimta æfingagjalda gengur vel. Þjálfarar fara til Kóreu í sumar á námskeið og í æfingabúðir, 10 manns í allt. Stærsti iðkendahópurinn er fullorðið fólk. 6 einstaklingar um daginn sem fengu svart belti um daginn. Aðalfundur 15. Mars.

Júdódeild – deildin búin að halda aðalfund. Fjárhagur stendur vel, en innheimtur ekki nógu góðar. Vöxtur í félaginu, af 9 þjálfurum eru 4 með evrópsk réttindi. Íslandsmeistarar í sveitakeppni karla, af 12 íslandsmeistaratitlum á deildin 9 í fullorðinsflokki 1 norðurlandameistari. Stofnaður kvennaflokkur á árinu og gengur vel. Stefnt að því að styðja við bakið á þjálfurum og hvern flokk fyrir sig.

Skíðadeild – deildin er í varnarbaráttu gagnvart iðkendum, síðasti vetur var mjög erfiður og erum að súpa seiðið af því núna, 20% brottfall. Samstarf við Víking með þjálfun á 13-14 ára. 15 ára og eldri eru nú sameinaður af öllum Reykjavíkurfélögunum, stærðarhagkvæmni og gengur vel. Heimtur á æfingagjöldum hefur farið eftir því hvort hefur verið opið í fjöllunum. Deildin rekin með tapi í fyrra og mögulega aftur núna. Núna er iðkendafjöldi um 80 manns. Frábærir skíðamenn í deildinni, 4 af 8 efnilegustu skíðamenn landsins. Aðalfundur …

Körfuknattleiksdeild – gengur vel fyrir utan meistaraflokkinn, þeir eru fallnir í 2. Deild. Uppgangur í yngstu flokkunum, gengur mjög vel. 70 krakkar á aldrinum 7-11 ára, u.þ.b. 160-170 manns í heildinni. Efnilegir körfuknattleiksmenn, 2 drengjalandsliðsmenn (18 manna hópur), Reykjavíkurmeistarar í 9. flokki. 11 ára stelpur komnar í úrslit á Íslandsmóti. Aðstaða deildarinnar sem fyrr mjög slæm, deildin dreifð í mörg íþróttahús þ.á.m. fyrir utan hverfið. Aðalfundur …

Margar deildir hafa sent bókhaldið til Ármanns og hann er að vinna í sameiginlegu bókhaldi.

Aðalfundur haldinn 22. Mars í ÍSÍ.

Uppstillinganefnd skipuð:

Guðjón Pálsson

Jón Þór Ólason

Félagið orðið er óþreyjufullt að heyra frá UMFÍ, umsókn var send fyrir u.þ.b. ári síðan og ekkert heyrst frá þeim.

Áskorun frá Benedikt Hjartarsyni að stofna sjósundsdeild innan Ármanns. Fundarmenn taka vel í það.

Fundargerð 020211

Wed, 02 Mar 2011 12:16:00 GMT

Stjórnarfundur Ármanns 2. febrúar 2011 kl: 17:30 í Ármannsfelli.

Mættir: Snorri Þorvaldsson, Kristín Ólafsdóttir, Jón Birgir Valsson, Sigurða Sigurðardóttir, Einar Bjarnason, Tryggvi Þór Gunnarsson, Sæunn Viggósdóttir íþróttafulltrúi og Jón Þór Ólason, framkvæmdastjóri félagsins.

Forföll boðuðu: Steinunn Sæmundsdóttir og Jakob Kristinsson

Dagskrá:

1. Bókhald/fjármál

2. Ársskýrsla Ármanns 2010

3. Aðalfundur Ármanns 2011

4. Ármann 125. ára 2013 (afmælisnefnd)

5. Sögu og minjanefnd

6. Önnur mál

Gengur vel, flestar deildir í góðum málum. Einhverjir eiga stafla af pósti ósóttan hjá framkvæmdastjóra.
Deildir hvattar til að senda inn efni í skýrslu ársins 2010, sem verður gefin út fyrir aðalfund. Sæunn sendir út hvaða upplýsingar þurfa að koma fram.
Búið að panta sal í ÍSÍ þriðjudaginn 22. mars kl. 20 fyrir aðalfundinn. Aðalfundir deilda eiga að klárast í febrúar skv. lögum félagsins.
Ekki er ráð nema í tíma sé tekið. Skipum í nefnd á aðalfundinum. Stefnum að atburðum dreifðum yfir árið, útgáfu og veislu. Farið yfir möguleg nöfn.
Tillaga að nefnd rædd, áhugasamir velkomnir að bjóða sig fram. Formaður mun stýra nefndinni.

A. Lyftingadeild (ólympískar) er óvirk, engin stjórn og erfitt að fá meðlimi til að fylgja æfingatöflu. Þarf að huga að framtíð deildarinnar, samþykkt að aðalstjórn fóstri deildina í ár. Ef ekki er hægt að fá starfið í eðlilegt horf, er mögulegt að leggja þurfi deildina niður.

B. Rætt um skort á félagsaðstöðu og möguleikann að byggja ofaná húsið.

Fundi lauk kl. 19:00. Fundarritari var Kristín Ólafsdóttir.

Fundargerð aðalstjórnar

Wed, 02 Feb 2011 11:49:00 GMT

Stjórnarfundur Ármanns 18.01 2011 kl: 17.30 í Ármannsfelli.

Mættir eru: Snorri Þorvaldsson, Kristín Ólafsdóttir, Jón Þór Ólafsson, Sigurða Sigurðardóttir, Steinunn Sæmundsdóttir, Jón Birgir Valsson, Erla Traustadóttir og Jakob Kristinsson

Dagskrá:

1.Ásdís Hjálmsdóttir var kjörin Íþróttamaður Reykjavíkur 2010.
Fögnum þessum árangri og óskum henna innilega til hamingju.

2.Bókhald:
Aðalstjórn og sunddeild eru búin að skila af sér bókhaldinu. Fimleikadeild og júdódeild langt komin með að færa bókhaldið.

3.Samningar við Reykjavíkurborg
Á síðasta fundi 29.12.10 var samningur við Reykjavíkurborg samþykktur af aðalstjórn. Snorri Þorvaldsson formaður Glímufélags Ármanns skrifaði undir samkomulag milli Borgarstjórans í Reykjavík f.h. Reykjavíkurborgar og Glímufélags Ármanns fyrir árið 2011.
Útdráttur úr samstarfssamningi:
„ Undirritaður var samstarfssamningur Ármanns og Reykjavíkurborgar um ársframlengingu á samstarfssamningi sem gilti 2008-2010. Einnig var undirritaður samningur milli Ármanns og Reykjavíkurborgar um yfirtöku og reksturs íþróttamannvirkisins í Laugardal. Við breytinguna sér Ármann um allan rekstur og almennt viðhald Íþróttamiðstöðvar Ármanns, tekur yfir starfsmenn hússins og fær fullt forræði yfirhúsinu þótt mannvirkið verði enn í eigu Reykjavíkurborgar“

Einnig skrifaði Snorri Þorvaldsson undir greiðslusamning vegan styrkja 2011 milli Íþróttabandalag Reykjavíkur og Glímufélags Ármanns.
Jóni Þór Ólafssyni framkvæmdastjóra er þakkað góð störf í samningsmálum fyrir Ármann.

4.Skýrsla framkvæmdastjóra.
Lýsing verður tekin í gegn, myndir settar upp, kaffiaðstaða fyrir starfsfólk, hagnaður er af kaffisölunni. 220 búningar eru komnar í pöntun í versluninni Totem. Ármenningar fá afslátt þegar verslað er í búðinni. Vörulisti er inni á heimasíðunni. Ef framkvæmdastjóri/íþróttafulltrúi panta fá deildir auka afslátt.
Okkur hluti hefur verið kallaður hingað til Ármannsheimilið. Laugabóls nafnið er fallið út eftir að húsinu var skipt upp milli Þróttar og Ármanns. Jón Þór kemur með tilllögu um að Ármannsheimilið verði kallað okkar á milli, en opinberlega heiti það Íþróttamiðstöð Ármanns.

5.Önnur mál
i. Stefnt að Aðalfundur Glímufélags Ármanns verði seinni partinn í mars.
ii. Frístundarkort fyrir árið 2010 er búið að greiða til deilda.
iii. Ekki er búið að greiða deildum og afrekssjóð fyrir Lottó 2010, en sú vinna er verið að fara í og á að klárast fyrir janúarlok.
iv. Olís samningurinn. Einungis 40 manns eru búnir að skrá sig inn. Ekki er búið að greiða inn á deildir.
v. Nýjir styrktaraðilar eru komnir og eru að koma inn hjá félaginu.
vi. Í Árbæjarskóla er rekinn sundskóli Ármanns fyrir 2ja-6 ára og ungbarnasund í Árbæjarsundlauginni. Stellu Gunnarsdóttur er þakkað óeigingjarnt starf fyrir sunddeildina og Glímufélag Ármanns.

Næsti fundur verður miðvikudaginn 2.febrúar 2011.
Fundur lauk 19:00

Fundaritari; Steinunn Sæmundsdóttir

Fundargerð 9. nóvember 2010

Thu, 11 Nov 2010 14:38:00 GMT

Stjórnarfundur Ármanns 9. nóvember 2010 kl: 17:30 í Ármannsfelli.

Mættir: Snorri Þorvaldsson, Kristín Ólafsdóttir, Jón Birgir Valsson, Sigurða Sigurðardóttir, Jakob Kristinsson, Vilborg Ævarsdóttir og Jón Þór Ólason, framkvæmdastjóri félagsins.

Forföll boðuðu: Steinunn Sæmundsdóttir, Erla Traustadóttir og Sæunn Viggósdóttir

Dagskrá:

122 ára afmæli Ármanns
Gamlar myndir
Önnur mál

Verður haldið 12. des. Þá fara fram Flokkaglíma, Kvennaglíma og Skjaldarglíma Ármanns, hefst mótið kl. 11. Einnig útnefndur íþróttamaður Ármanns 2010, efnilegasti Ármenningurinn og úthlutað úr afrekssjóði. Séra Bjarni Karlsson kemur og blessar húsið. Nefndin sér um veitingar og aðföng. Formaðurinn sér um að boða heiðursfélaga. Afmælið verður auglýst á heimasíðufélagsins, en byrjar ca kl. 14.

Senda á formenn deilda að tilnefna til íþróttamanns og efnilegasta ármenningsins, og huga að merkjaveitingum.

Búið að setja inn gamlar myndir og merkja, þær má finna undir albúm á heimasíðunni. Ef fólk þekkir einhvern ómerktan á myndum, er það beðið um að senda póst á snorri10@internet.is

A. Farið yfir nýjar reglur varðandi val á íþróttamanni Ármanns og efnilegasta íþróttamanni Ármanns og þær samþykktar með því að þær taki gildi 10. nóv. 2010.

Þær verða nú sendar formönnum allra deilda um leið og þeir eru beðnir um tilnefningar ársins (Sæunn).

B. Samþykkt tillaga sem send verður fjölmiðlum og borgarfulltrúum þar sem lýst er furðu yfir umræðunni um lokun skíðasvæða Reykjavíkur.

C. Formaður fimleikadeildar reifaði erfið mál sem komið hafa upp vegna uppsagnar þjálfara.

Fundi lauk kl. 19:00. Fundarritari var Kristín Ólafsdóttir.